Europian Union leh Jordan chuan kum thum chhunga Jordan an chhawmdawlna tur, dollar maktaduai 600 pekna tur inremna an ziak.
He inremna hi kum 2017-2020 chhung atana tih a ni a, Jordan Minister of Planning and International Cooperation Imad Fakhoury leh EU ambassador Andrea Matteo Fontana-ten an hming an ziah hnan a ni.
Imad Fakhoury chuan inremna an siam chu EU leh Jordan inlaichinna ṭhatzia lantirna pawimawh tak a ni a, hei bakah hian EU-in Jordan ramin hma a sawn theihna tura puih a inhuam zia a lantir a ni, a ti. Program thar hnuaiah han EU chuan Jordan sorkarin hmasawnna hna a thawhna kawngah a pui dawn a, dan tihchakna lamah te, ramri enkawlna, tharum thawhna thleng tur venna kawngah te a pui dawn a ni. Human Resource Development Strategy hnuaia education sector siamṭhatna kawngah a pui bawk ang.