Your Daily News

Engmah Hrechiang Silova Thikthuchiat Luat Avanga A Bialpa Laka A Thil Tih Chu!

0 466

Nulat tlangval lai hunah chuan thikthu a chhe duh hle maia, hei hi thil nihdan phung ve reng a ni kan ti thei awm e. Mahse, engkim mai hi a chin tawk a awma, mahni chhia leh tha hriatna leh ngaihtuahna fim tak nen thutlukna siam a pawimawh hle.

Thikthu a chhiat zawh poh leh mualphohna a sang mai thin a ni. Hmangaihte lakah chuan kan thikthu a chhe tur a nia mahse, thikna tur leh thikthuchhiatna tur dik a awm a ni. Suangtuahna leh ngaihruatna hmanga thikthu tihchhiat vak chuan nupa, bialpa/ bialnu inkarah buaina a tam ting mai a ni.

China, Zhejiang Province, Dancheng hmun a khawsa nula Li Tan kum 23 pawh a bialpa De Wu kum 24 lakah a thikthu a chhe hle tih an sawi. A bialnu tel lova reilote chhung pawna a chhuak hlek pawh thikthuchhiatna chuan a zui leh mai thin. A pawn chhuak chu lo let leh thuai tur a nih pawhin nula dang a lo kawp hman ang tih chu a bialnu chuan zeldin zuia a buai thin hle tih an sawi.

Zan khat chu a thiante inah a bialnu Birthday Surprise neihsak dan tur ngaihtuahin a riak chhuaka, a awm loh hlan chuan thil mak danglam tak a ti ta hlauh mai le. Nula dang nen a bialpa chu an inhmuh a ring ta tlat maia, dawrah rang takin a kala sanitary towels thahnem tak leiin a bialpa car chu a bel khat tlat tih an sawi.

Tianga a khawsak dan chu duhtawk mai loin a car chu thla a la a, online lamah a tarlang zui bawk. “I chawh em, he thil hi keima tih ngei a nih hi. I nundan kha i sim a tul a ni” tiin a ziak nghe nghe.

A bialpa De Wu pawhin a bialnu thil tih chu a lo hmu thuaia, hahdam taka awm tur leh thudik nghak hram hram turin a ngena, a tukah chuan a bialnu hmel hlim lo taka lo awm leh rinhlelhnaa khat chu dawtthei takin thil awmdan a hrilhfiah ta nghala, a bialnu Li Tan pawh chu a hahdam ta huai tih an sawi. A khawsakdan mawilo tak avangin a bialpa De Wu chu ngaihdam a dil zui ve ta nghal bawk.

De Wu chu a bialnu hriat loha pawn a chhuah khan thil tha tak lo tihsakin, a Birthday ah an 2 a an chawlhdunna tur restaurant hawhin engkim a lo tifel diam nghe nghe a ni. A bialnu hnenah amah avangin hun awl nei lo chung chungin a chhuah phah fo thu a lo hrilh a ni. A bialnu tan chuan bialpa innghahna tlak a va ni em!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!