ENG TIKAH NGE PASAL I NEIH DAWN TIH ZAWHNA NIN LUAT VANGA AMAH A INNEIHNA BUATSAIHTU
Tu pu nge? Tu pu mah a ma tar tih ang vel a ni, tu nupui nge tu nupui mah a ma nupui tih tur an awm tlat mai le.
Lulu Jemimah kum 32 chu Creative Writing lama tui mi tak a ni a, kum 2017 khan England university tha ber ber pathumah Creative Writing a master degree zir turin a apply ang ngeiin Oxford university chuan a lo pawm a a hlimin a lawm hle a ni.
Lulu Jemimah’i pa chuan a fanu pasal neih hun chu a nghakhlel hle a Lulu Jemimah’i kum 16 anih atang tawhin a fanu inneih ni a a thu sawi tur chu a lo inzir lawk tawh a ni. A nu lah chuan a fanu pasal tur chu a thiam dan danin tun thleng hian a lo zawnpui reng bawk a ni.
Lulu Jemimah’i hian a chhungten pasal nei tura an nawrlui reng thin leh amah hretu ten ngaih zawng i nei em? Eng tikah nge pasal i neih dawn tih zawhna chu a hne ta viau a ni ngei ang le, thu tlukna a siam a, kum khuaa min hmangaih theitu leh m”n ngaihsak theitu tur keimah leh keimah ka innei dawn tiin mo kawr fual ha in inneihna a siam ta rup mai le.
Inneihna party ah hian Lulu Jemimah’i chuan dollar 2.62 chiah a seng a ni. Mo kawr hi a thiante ta a hawh a, a cheitu te pawh a thiante an ni. Inneih ni a rawn kal te pawh an mahni a intum chawp vek an ni bawk.
Lulu Jemimah’i mi tam takin an sel vut vet laiin mi tam tak erawh chuan a huaisenna leh amah a inrintawkna chu an fak hle bawk.