Eng Hna Mah Thawk Lovin A Nupui 3 ten An Chawm Hahdama, A Chhungkuaa Lawiluh Duh Nula An Tam
Fa 2 nei tawh American pa Nick Davis chuan nupui 3 a nei a, a nupuite hian an duatin atan hna thawhhah a tul hran lo, a chhan chu a nupui 3 te hian a mutna khumlaizawlah chawbarhin an hraipuar thin a ni.
‘Trophy husband’ tia an koh mai Nick Davis chuan hmeichhe fel tak mai April chu nupuiah a nei hmasaber a, kum 9 lai an inneih hnuah, an chhungkuaah hmeichhe 2 Jennifer leh Danielle te chu an senglut a, an vai hian hmun khatah inngeih tlang takin an khawsa ho dial dial tih hriat a ni.
A nupui hmasaber April-in ‘TLC Seeking Sister Wife Program’-ah a tarlan danin, tianga Nick Davis’an nupui 3 lai a lo neih tak hnu chuan, zan lamah pawh Nick chuan a duatlaite tihtlai tumin ruahmanna a siam a tul a, a buai ve thin hle tih a sawi.
Chhungkaw paber Nick Davis pawhin, a hringnunah hmeichhe 3 nupuiah a nei thei chu a inchhuang hle a, tunhma atanga a rilrua a lo suangtuahnate chu a takin a tawng chho tih a sawilang ve bawk. Nick nupuite hi eizawnna ngialnghet nei an nia, hna rum thawk lovin nuamsa takin chhungkua an din theih phah a ni.
Amah Pu Nick-a sawidanin, Instagram kaltlangin nula thenkhatte hnen atangin message a dawng fo tih a sawi a, an chhungkuaa lawiluh an duh ve thu chu tarlangin nulate hnen atang hian ngenna leh dilna a dawng ngun hle tih a sawi a ni.
