Your Daily News

Elon Musk Fapa Chuan A Pa Nen An Inlaichinna Thaibo A Duh Tih Sawiin A Mipa Nihna Chu Hmeichhiaah Leh A Tum Tih A Sawi.

0 2,821

Khawvelah hian zawng milar leh hausa a piangte hian awmngaihna an hrelo a ni ber e!

Khawvel huapa pahausa tawntaw Elon Musk fapa Xavier Musk kum 18 mi chuan a hming Vivian Jenna Wilson tia thlak a tum bakah, a nihna chu hmeichhiaah leh a tum tih hriat a ni. A hming thlak danglam tur hian LA County ah dilna a thehlut tawh a ni.

Kumin April thla liam ta a kum 18 tling ve ta Xavier Musk hi Elon Musk nupui hmasaber fa niin, unau phirpui a nei a, mipa a nihna chu hmeichhiaah thlakthleng turin dilna a siam tih hriat a ni. A lehkha thehluhah hian Xavier Musk chuan hmeichhia nih chu a duh tak zet tih sawiin, a hming Vivian Jenna Wilson tia thlak a tulna chhan pawh a ziak lang tel bawk.

An sawidanin, Xavier Musk’an a hming thlak danglam a duhna chhan pawh a pa Musk nen inlaichinna neih a duh tawh loh vang niin an sawi. Xavier nu leh pa Elon Musk leh Justine Wilson te hi 2008 kumah an inthen tih hriat a ni.

“Min hringtu ka pa nen inanna lai neih leh inlaichinna neih chu engtikawng mahin thil remchang a ni lo.” tiin Xavier thuneitute hmaah a sawichhuak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!