Your Daily News

Ei Tur Manto Uchuak Zawrhna Salt Bae Restaurant A Vietnam Ram Hruaitu In Rangkachaka Luan Bawngsa Hrang Lian Zet A Ei Lai Video Hian Sawisel A Hlawh Nasa!

0 1,218

Ei Tur Manto Uchuak Zawrhna Salt Bae Restaurant A Vietnam Ram Hruaitu In Rangkachaka Luan Bawngsa Hrang Lian Zet A Ei Lai Video Hian Sawisel A Hlawh Nasa!

Kan hriat theuh angin Vietnam ram chu khawvel ramdangte nen khaikhin pawhin ram hausa leh intodelh tak chu a ni lo tih kan hre theuh awm e. London, Salt Bae Restaurant manto leh changkang taka Vietnam ram hruaitu pakhat khawsak dan hian sawi a hlawhin, an ram Vietnam mipuite hlei hleiin an ngai theilo hle!

Vietnamese communist hruaitu pakhat Public Security minister tang lai To Lam chu London, Nusr-Et Steakhouse, Knightbridge ah tomahawk steak Pound 1,450 man zet a ei lai chu zan hmasa khan social media lamah tarlan a ni.

He restaurant, Vietnam ram hruaitu chawlhna hmun hi Turkish chef Nusret Gokce hming chawia phuah a nia, ‘Salt Bae’ tia hriat lar a ni mah zawk ani. He restaurant hi milar leh milian ho chawlhna hmun niin, restaurant lar tak a ni nghe nghe. He restaurant hi a larna em em chhan pakhat chu ei tur tuihnai taka buatsaihtu Gokce kum 38 mi vang a ni pakhat a, tunah hian Saudi Arabia, Riyadh ah a restaurant 28 na tur Restaurant thar hawn belh turin a thlawk lut leh tawh a ni.

Video a lan danin, Turkish chef Gokce chuan Bawng sa hrang hraw leh tui hmel zet, a kawr rangkachak rawnga luan chu Lam tan a han zai vel a, minister To Lam pawh chu an ram retheihzia theihnghilhin a hlim bawk a ni ang, a ha a thup thei hauh lo. Bawngsa hrang tui hmel zet chu a chemte chuan a han zai phel a, chemte bawk chuan a barh vel a ni.

He minister bawngsa ei lai video hi Restaurant Tik Tok page ah post a ni a, nimin khan an delete leh ta a ni. Minister sa ei lai video hi delete a nihna chhan ber pawh social media lamah sawiselna a nasat em vang niin an sawi a, Vietnam te ang ram, ram rethei ve tak hruaitu ina heng ang chaw manto uchuak a han ei mai kha zahthlak an tih thu leh thil tih chi a nih loh thu ram mipuite chuan hahip in social media lamah an sawichhuak a ni.

An ram mipui tam tak chuan he chaw manto tak ei tur hian, minister to lam chu a hlawh leh hlamin a daih loh bakah, Vietnam ram economy in a phak lo tih an sawi a, an sawisel nasa em em mai a ni. Heng a chaw eina pawisa te hi khawi atanga a neih nge tih leh eng sum nge a hman ang tih chu a ram mipuite ngaihtuahna titamtu ber pakhat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!