Dwayne ‘The Rock’ Johnson-a’n Gym-ah A Tui In Tur Tui Ûm (Bottle) Chhunga A Zun Thinna Chhan A Sawichhuak
Khawvel huapa milar WWE Superstar leh Hollywood actor lar ni bawk Dwayne ‘The Rock’ Johnson chuan Gym a kal apiangin a tui in tur dahna tui Bottle chhungah a zung mai thin niin a sawi a, hemi chungchangah hian zawhna a dawn fo hnuah he thil hi engvanga ti thin nge a nih mite hriatah a sawichhuak!
Red Notice, Jungle Cruise leh Black Adam movie a changtupa ber Kum 49 mi The Rock tia hriat lar chuan Bottle chhungah a zung thin tih miten an zawhna chu thudik a ni tih sawiin, a chhan leh vang leh a thuchiang zawk tiang hian a sawifiah!
Heng tui Bottle, a zun thinnate hi tuithianghlim in tur dahna atana hman chi tawh loh, Gym a exercise lak zawh hnua insilna leh intihfaina atan liau liau a tui um a leite an nih thu a sawi a, a bottle zun nana a hmante chu tui in tur dahna atana a hman tawh lo ho an ni a ti.
The Rock chuan a gym work out na atana a hmante chuan bathroom an neih loh bakah zunna pawh a awm thathum lo tih sawiin, tui bottle zunna atana a leiah te chuan a zung mai thin a ni tih Esquire a hrilh.
