Arab ram zingah UAE hi ram hausa tak ani tih kan hriat theuh a rinawm, An ram hausak zia hriat nana awlsam tak pakhat chu Dubai khawpui a thlakhat chhunga kutdawh sum hmuh zat pawh hi ram tam taka lehkha thiamte kum khat hlawh ai pawhin a tam zawk a ni.
Kan hriat theuh angin UAE mite chu kutdawh ngai lo khawpin A, b, c chhiar thiam lo te pawhin thlatin dollar 5,000 vel an hlawh thin a. Dubai khawpuiah hian kutdawh turin ram thenkhat atang an lo kal a visa thla thum tan an hmu thin, professional kutdawh pakhat hnen atang hriat dan chuan thlakhat chhungin dollar 27,000 vel a lak luh thu a sawi. He dollar 27,000 hi keini indian leh Myanmar mite tan chuan kan kum tam tak thawh a ni ngei ang le.
Heivang hian arab ram thenkhat leh asia ram thenkhat Gang ho-tu te chuan an sal-te chu UAE ah hruai lutin kut an dawh tir thin a ni. Kutdawhte hian cheng 10 emaw 100 lek lek an dil ngai lo a, UAE pawisa 1,000 an dil lawih thin. UAE ram mite hi an hausa hlawm bawka an thil phal hlawm hle a, kutdawhin thiam taka a dil chuan an lo pek mai thin thu an sawi.
UAE mite thatna leh thil phalna chu gang ho-in sum hmuh nan an hmang tih online ah ram dangmi-ten an tlangzarh hnuah chuan UAE police ten kutdawh thianfai hna an nei tan ta a ni, A Nikhatna ah professional kutdawh 65 lai Dubai khawpui ah an man nghal a ni. Professional kutdawh tih awmzia chu kutke kim lo leh piangsual ni si lo a kut dawh te an ni.
Mi 65 an mante hi official a UAE rawn lut vek an ni a thla thum chhung awm phalna visa vuan an ni bawk.