U.S president ni lai Donald Trump chuan Oprah Winfrey chu president election-ah hneh a inrin thu a sawi mauh mai.
Oprah Winfrey hi Pathiannia sem Golden Globe Award-ah khan a inlan a, a thusawi ṭha tak avangin lawm a hlawh hle. Mi tam tak chuan kum 2020-a U.S president thlanna lo awm leh turah chuh tura an duh thu an sawi a, amah ngei pawhin a hreh lo nia tarlan a ni. Hetiang boruak a awm mek lai hian Donald Trump pawh a ngawi mai mai bik lo a, Oprah hian president pawh chuh nise a hneh tur thu a lo tlangaupui ve mek a ni. Trump chuan,” Oprah hian president hi a chuh tak tak dawn em ka hre lo, mahse a chuh a nih pawhin hnehna changtu tur zawk chu ka ni” tiin a sawi. Chanchin ngah ve tak Trump-a’n heting thil a lo sawi ve chhen hi mi tam tak chuan an dem a, a kuang lo nawrah an puh. Hetih rual hian a nupui Ivanka Trump pawhin Oprah thusawi a thlawp thu a lo sawi ve bawk avangin ngawihbopui mai harsa tur tak a ni lawi si. Oprah hian hmeichhe zahawmna humhim a pawimawh thu leh an dinhmun chawikan a pawimawh zia a sawi uar hle a, hei vang hian thlawptu pawh a ngah phah hle a ni. Milar zingah Lady Gaga chu Oprah thlawptu langsar a ni a, a ni bakah hian midang eng emaw zatin president chu tura an duh thu an sawi ve bawk.
credit, vanglaini