Your Daily News

DONAL TRUMP – A THUTLUKNA DUH LOHNA LANTIR CHHUNZAWM ZEL

0 657

US President Donald Trump-an Israel khawpui atana Jerusalem a pawm thu a puan chu dodalna lantir chhunzawm zel a ni a, nimin khan Indonesia khawpui Jakarta-ah Muslim mi tam takin Trump-a dodalna lantirin kawng an zawh.

Jakarta-a kawngzawh hi Muslim pawl hrang hrang huaihawt a ni a, mi 80,000 vel an tel. Kawngzawhnaah hian buaina liantham chhuak a awm lo a, mahse police-te chuan US embassy pan tumte chu an lo dang a ni. Police thupuangtu chuan venhim hna thawk turin police leh sipai 20,000 vel dah an nih thu a sawi.

Indonesian Ulem Council secretary general Anwar Abbas chuan ram hrang hrangte chu President Trump-an Israel khawpuia Jerusalem a puan chu hnawl tura an ngen thu a sawi. Trump hian a thutlukna siam tawh hi a sut leh loh chuan Indonesia mipuite chu US leh Israel thil siamte boycott vek turin an ngen bawk.

US-in Israel khawpuia Jerusalem a thlawp avanga buaina chhuak hi a la ziaawm thei lo a, kar kalta Zirtawpni khan West Bank leh Gaza-ah chuan Palestinian sing chuang vel an pungkhawm bawk. Israel sipaite chuan pawi khawih zawnga che, mi 6,000 vel an awm niin an sawi a, Palestinian Health Ministry chuan Gaza bialah mi 164, West Bank-ah 100 vel an hliam thu leh, mi panga chu an dinhmun a that loh thu a sawi. US President, Donald Trump-a’n Israel khawpui atana Jerusalem a pawm thu a puan hnua buaina hrang hrang chhuakah mi 8 an thi tawh a ni.

Credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!