Your Daily News

Doctor In A Serhkuaah Condom Hlui A Lakchhuah Hnuah A Pasal Tan A Rinawm Tawk Lo Tih Hailan A Ni

0 2,775

Nu pakhat chu a kaw chhunglamah na a neih deuh reng avangin doctor a pan a, mak tak maiin a serhkuaah condom hlui tawh tak an lachhuak tih hriat a ni. A pasal chu kum 5 liam ta khan fa nei thei tawh lo turin a insiam tawh niin an sawi.

TLC Show episode-ah he hmeichhia hian a kawchhung lamah na a neih deuh reng thu sawiin, doctor-te hnenah puihna a dil a, Dr. Aminidhan Thekkar hnenah pawh a serh atangin hmeichhe thil pangai pawh nilo a chhuak thin niin a sawi bawk.

He nu hian serh natna thalo STD vei ang hialah a inngaia, a pasal chu he natna hlanchhawngtuah a puh zui bawk. Mahse, a serhkua atanga condom an phawrhchhuah meuh chuan thudik chu hailanin a awm ta a ni. A rukin a pasal hriat lohin mipa dang nen an lo mudun thin a ni.

A pasal chuan kum 5 liam taah fa nei thei tawh lo tura a insiam tawh avangin, condom pawh chu a pasal hnen atanga a lakchhawn a ni lo phawt a, a chhan pawh birth control tih vel chu an tan a tul ber tawh lo a ni.

A pasal mit hmuh ah ngei a nupui serh kua atanga condom an han la chhuak ta chu, a pasal chu a mitmu artui tiat zeta lianin a meng kawk kawk mai a ni. “Fa nei theilo tura ka insiam atangin kum 5 chhung chu condom ka hmang tawh lo asin! Eng thil nge ni ta ngai?” tiin an nupa inkarah inhnialbuaina a chhuak zui bawk.

A nupui chuan condom a serhkuaah an lakchhuah vang maiin engthil sual mah a tilo tiin a lo tang ve nasa hle. Amahin he condom hi a lo tawlh lut a ni ang tiin a chunga thil thleng chu a pha tal a ni. An nupa chuan an inhnialbuai nasa tih an sawi.

Dr. Aminidhan Thekkar chuan hmeichhe serhkuaa condom chu lakchhuah lohin hun rei deuh zawk awm se, nu hriselna atan thil pawi tak a nih thu a sawi a, he hmeichhia hian mipa dang a kawp ngei a ni tih pawh an finfiah thu a tarlang zui bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!