Your Daily News

Depp Lakah A Tlawm Hnu Leh A Sum Mamawhna San Lai Takin Amber-in Puitling Film Chang Tura Sawmna A Dawng Nawlh

0 16,511

Tunlaia a chanchin kan hriat lar em em mai actress Amber Heard chu, a sum mamawhna san vang lai leh hun khirh tak a hmachhawn mek laiin puitling film chang tura kohna a dawng nawlh tih hriat a ni.

Tun dinhmunah tak chuan Amber hian eng ang hna pawh offer dawng se, han uan kualna hun a awm lo tluk a ni. A chhan pawh Defamation trial-ah a hlawhchham hnu khan sum lamah harsatna namen lo a tawk chhova, a pasal hlui Johnny Depp lakah a tlawm tak avangin a pasal hlui hnenah hian 10 millions chuang zet pe tura tih a ni.

Defamation trial avanga a hming a thangmawi lo zawnga mite hriatah a than chhoh tak avangin, he thil hian a nunphung leh a khawsakdan bakah a hna lam thlengin a thalo zawngin a nghawng chho ta zel a ni. Sum a mamawh lai takin TV Screen lama inlanna hun lah a nei tlem bawk si a, DC Film, (Aquaman and The Lost Kingdom) a inlanna hun tha pawh a chan zui tawh bawk.

Tianga hun harsa leh hun khirhkhan tak a hmachhawn mek lai hian a film chan leh theihna awm chhun leh atana sum hmuhna hlawk ber tur chu puitling film a inlan chu a nilo thei lova, Adult entertainment industry lam chuan inphelh itawma puitling film chang turin offer an lo siamsak tih an sawi.

Agency pakhat, Zen Models lam chuan an projects duansa pakhatah puitling film a inlan turin Amber Heard hi an sawm tih hriat a ni a, he agency hian $9million lai sum thehchhuahsak an lo tiam a ni.

He contract hi a nihna takah chuan $8million vel a ni a, additional 1million dollar chu naupang enkawlna Los Angeles Hospital-ah donation atan belhchhahsak an intiam bawk a ni.

Puitling film chang tura sawmna lehkha hi Amber Heard attorney, Elaine Bredohoft chuan Zen Models President Veronica Madjarian hnen atangin a dawng a ni. He sawmna hi Amber hian a pawm a nih chuan a leiba te pawh a rulh theih phah dawn a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!