Your Daily News

Dawr Pawisa A Rukchhuah Hnuah “Pawi ka ti lutuk, fanau chawm lai ka nei si a” Tiin Staff-te Hnenah Hawihhawm A Chhuah

0 778

Tunlai hunah chuan rukruten tawngkam hawihhawm an hmang khat viau awm e. Bangkok, Ladprao district-ah rukru pakhat chu chemte paiin dawr ah a lut a, dawra hna thawktute chu vaubetin, an hnenah sum 1,800 baht a dila an lo pe tih an sawi.

Sum a phut ang zat an pek zawh hnu a chhuah dawnah hawihawm chhuahin, “Pawi ka ti hle mai, fanau chawm lai ka nei sia” tiin staff-te hnenah tawngkam a chhakchhuak zui tih an sawi.

Dawr nghaktu hmeichhe pakhat sawidanin, rukru hian kawrvar a ha a, chemte paiin, bag a ak bawka dawr chhung a luh veleh chemte phawrhin pawisa a phut nghal tih a sawi. A hlauh em avangin cashier hnenah a hruaia sum a phut ang chu a pe zui ta a ni.

Police-ten CCTV camera atanga an chhui hnuah, he rukru hi kum 25-30 bawr vel mi niin, face mask a vuah lo bawk.

Dawr a luh hmain a bike dawr pawnah a dah a, dawr a chhuahsan veleh Bike ah chuangin a tlanbo ta daih a, police-ten man tumin an chhui zui mek tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!