Canada rama nurse tang lai leh nature lover hmeichhe pakhat chuan CCTV Camera atanga a thil hmuh mak danglam tak mai chanchin sawilangin, dawithiam hmeichhia 2 an ram chhungah an inlar tih a tarlang.
British Columbia, Powell River a khawsa Corinea Stanhope kum 36 miin Kennedy News a hrilhdanin, an ram chhunga a vahkualnaah sazuk ruang tawih a hmu tih sawiin, ramsaten he sazuk ruang tawih hi an tlan nge tlanlo tih fiahfiah a tuma, Camera a kam ta a ni.
Stanhope leh a pu Bob kum 76 a upa chuan an CCTV Camera kam chu an han enfiah a, rinphak bak thil an hmu ta tlat mai le!
An camera atanga a landanin, dawithiam hmeichhia 2 chuan saruak deuhthawin an rama sazuk ruang tawih chu an tlân a, he an thil hmuh hian a barakhaihin a thawng hle tih an sawi.
Nurse Stanhope sawidanin, zan lamah a sakawr chu chhaihbuai a ni thin niin a sawi a, a tir lamah chuan engvak mah a nih a ring lova, tunah erawh hmeichhe dawithiam 2 te hi a sawrkar chhaihbuaitute an ni ngei a ni tih a hrethiam ta tih a sawilang bawk.
Saruang tawih awmna hmun hi an chenna in atanga minute 2 lek kal a nih avangin a sawrkar tan pawh a himlo hle tih a sawilang nghe nghe.
