Damdawi Ina Naute Mei Nei Lo Piang Chhuak Hian Khawvel Mite A Tihrilhhaiin Doctor-te Pawh An Mang A Ang!
Kan damchhung hi thil makin a khat an lo tih thin angin, damdawi ina naute mei neia piang hian minaran chu sawiloh doctor te hial pawh a tihrilhhaih hle. He naute hian a lo pianchhuahin mei 12cm a sei a pianpuia, a hmawr chu tisa inhlawmkhawm (ball) angin a mum a ni.
He naute mak danglam tak hi Brazil, Fortaleza, Albert’s Sabin Children Hospital a piang niin, khawvela naute mei neia a piang a 40 na a ni nghe nghe.
Damdawi lama mithiam (medics) te chuan he naute mei leh a hmawra bawk (ball) awm chu surgery neihsakin an paihsak a ni. Naute mei hi a pian hnuah chauh Damdawi ina thawkte pawhin an hmu a ni.
Mi thenkhatte ngaihdanah chuan mihringte hi nu pumchhunga kan awm lai leh kan taksa a insiam tantirh lai hian mei kan nei ngei niin an sawi a, a hnuah thla a lo tamin he mei hi taksa a mar rualin kan taksa chhung lam chuan a hip lut chho ve zel nia ngaihna a awm a ni. Doctor ten an zirchiannaah he naute mei 12cm a sei hi a thang ve zel tih an sawi a ni.
The Journal in a report danin, kum 19 naah heng ang mihring mei neia piang hi record a lo awm tawh a, mithiam (scientist) te chuan a chhan leh vang an chhuichhuak thei mai lo a ni.
