Your Daily News

Damdawi In Pakhatah Hnathawktu Hmeichhe 11 Lai Chuan A Rualin Nau An Pai!

0 1,962

US, Missouri a awm Liberty Damdawi ina hnathawktu hmeichhe sawm leh pakhat te chuan a rualin naute an pai tih hriat a ni. Heng hmeichhe naupaite hian hna in ang an thawk a, an hna chu nauchhar a ni.

Damdawi ina thawk hmeichhe 11 zetin a ruala nau an pai ta mai chu miten mak an ti hle a, an hnathawkna Damdawi in Liberty hospital pawh a lar phah hle niin an sawi a ni. Naupai mi 10 te hi Nurse tang lai an ni a, an zinga 1 hi Doctor a ni thung.

An sawidanin, heng hmeichhe naupai zinga mi 2 te chu an nau neih hun tur a in ang niin an sawi a, an zavai hian kumin 2022 hian naute an nei dawn tih hriat a ni.

Liberty damdawi ina thawktu hmeichhe naupaite hi an inkawmngeihin an hlim thei hle a, a huhoa engkim titlang thin an nih bakah an hnaah an tuiin, an fakawm tak zet tih an sawi. An zinga naupai pakhat kum 29 mi sawidanin, an hnathawhna hmuna an intawhkhawm meuh chuan fiamthu thawhin an nui dar dar thin a ti a ni.

Mak tak maiin, Liberty damdawi ina a ruala hmeichhe naupai an awm ang bawk hian, 2018 kumah Anderson Hospital’s Pavillion for Woman a thawk nurse 8 chuan a rualin nau an lo pai leh tawh a ni.

Hei bakah hian 2019 kum liam ta pawh khan Maine Medical Centre, Labor and Delivery Unit a thawk hmeichhe 9 lai mai chuan a rualin nau an lo pai tawh bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!