Brazil rama Thir lai company hmingthang Vale chu a dam tamtak zinga pakhat a chim avangin stock marketah a share a tlahniam nasaa dollar million 18 lai a hlauh phah a ni. He company dam hi January 25 khan a chim a, mi 60 an thi a 292 lai an la bo bawk.
A chim avang hian Riodijinero khuaa Vale company office hmaah mipuiten an lungawilohna an rawn lantir. Hemi khur hi 1997 thleng khan sorkar ta a ni a, tuna mimal kuta awm mek he Vale company khur hi mipui kutah awmtir turin an ngen a ni.
Hemi dam a chim niah hian New Yorka stock exchange ah Vale company share man hi 24.5%in a tlahniam. Hemi ni hi Brazilah chuan mi tam zawkte office khar ni a nih avangin share man pawh khar a ni.
Vale companya tel America register sharete chu Thawhtan ni thleng khan a tla zel a, an khar hma chiah khan 17.5% ah a tla. Khawvela thir laihna company lian ber Vale tan chuan tun tuma mi tam tak an thih phahna hian kumkhuain an hming a tihchhiat phah dawn a ni. Kum 2015 ah pawh khan Vale company tel vena thir laih khura dam pakhat a chim a, mi 19 an thi tawh bawk a ni. Hemi dam chim avang hian lui tui a tibawlhlawh nasa a, Brazil thawnthuah tun tum hi tui a la bal ber an ti.
source ‘mizzima’
