Your Daily News

Curfew Laiin A Pasal A Chhuahpui Theih Nan Ui Kaihna Hrui Hmanga Kaiin “Ka Ui Ka Kai” A Ti

0 681

Khawvelin Coronavirus natna chu theih tawp chhuahin a do mek a, he natna hi a darh zel loh nan ram tam takah chuan dan leh dun khauh tak duangin mipuite him nan hma an la mek a ni.

Canada, Quebec-ah pawh kar 4 chhung Curfew puan a nia, zan dar 8:00pm atanga zinglam dar 5:00am thleng tumah pawn chhuak lo tura tih an ni. He dan khauh tak hnuaiah hian hnathawktu thenkhatte leh mahni ran vahchhuahpui duhte erawh inhriathiamna sang tak a awm thung.

Hetih lai hian Canada rama nu pakhat chuan ‘ranvulh vahchhuahpui theih’ tih lai tak chu changthlanin, ui aiah a pasal a kai ta hlauh mai. King Street East, Sherbrooke-ah a pasal chu ui kaihna hrui hmangin a nghawngah a thlung a, “Ka ui ka vahchhuahpui a ni” tih a sawi. Police duty-te hnenah pawh curfew laiin ranvulhte vahchhuah phal a ni a ti hmak!

Sherbrooke Police Department a thawk, Isabella Gendrone in Local Newspaper ‘La Tribune’ a hrilh danin nupa tuakte hian Police-te an thawhpui that duh loh avangin Municipal Dan bawhchhia a puh a ni tih a tarlang. He an dan bawhchhiat avangin $6000 chuang an chawi theih thu thuneitute chuan an sawi a ni.

He thil thleng hi a vawi khatna mai a ni tawh lova, a hma pawhin Czech Republic-ah pa pakhat chuan zan dar 9:00pm pelh hnuah ui lem kaiin, Police-te hnenah “Ka ui ka vahchhuahpui a ni” tiin chhuanlam a lo siam ve leh tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!