Your Daily News

Cristiano Ronaldo-a’n A Pawngsual Thu Sawichhuaktu Model Chuan Na A Tawrhna Leh A Khawihchhiat Manah Sum £56m A Phut

0 1,637

Cristiano Ronaldo in a pawngsual nia sawichhuaktu model Kathryn Mayorga chuan footballer hian a khawihchhiat manah sum £56 zet a phut tih hriat a ni.

Court documents atanga a landanin model Mayorga chuan Juventus star Cristiano Ronaldo hian 2009 kumah Las Vegas-ah a pawngsual niin a sawi a, a laka a chetdan leh a khawsakdan mawilo tak avangin sum chawi turin a phut tih Daily Mirror chuan a tarlang.

Mahse, Cristiano Ronaldo ve thung chuan he pawngsual puhna hi thudik lo a ni tiin pawi a khawihlohzia a sawia, model puhna chu a pha nasa hle a ni.

Mahse, Mayorga ve thung chuan hun liam tawha Ronaldo avanga a tawrhna man £18 leh hun lo awm tura a tawrhna atan £18 bakah pawngsualtu hremna atan £18 million a phut tlat thung tih a sawilang a ni. A hmain Ronaldo leh model Mayorga-te hi an lo inkawp tawh niin an sawi bawk.

Model Mayorga legal team-te chuan Ronaldo hian a pawngsual ngei a ni tih finfiahna nan mi 60 chuang an neih tawh thu an sawia, thuhriatpuitute zingah hian Big Brother star hlui Jasmine Lennard kum 35 mi pawh a tel nghe nghe.

Model Jasmine bakah Juventus chairman Andrea Agelli, Ronaldo’s Agent Jorge Mendez leh adviser Andy Quinn te pawh thuhriatpuitu List ah an tel a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!