Chinese Vodka (Spirit Baijiu) 4 Bottles A Zawna A Inlai A Livestream Laiin Influencer Lar A Thi
Social media influencer lar kum 34 a upa chuan Chinese Vodka an tih mai Spirit Baijiu 4 Bottles zet a inlai Chinese verson Tik Tok-ah a Livestream laiin a boral tih state-run media chuan a tarlang.
Influencer “Sanqiange” (or “Brothers Three Thousands) chu a influencer puite nen Chinese Vodka (Spirit Baijiu) tunge in hnem thei ber tiin an incho a, he Baijiu an in insiak lai hi Tik Tok kaltlangin mite hmuhah an pholang zui a ni. Mahse, hetih lai hian influencer a thih hnuah he video hi an paihbo leh tih hriat a ni.
He thil duhawm lo tak hi May 16 a thleng kha niin, Sanqiange (a hming tak Wang Moufeng) tia hriatlar leh a influencer pui pakhat chu Chinese zu chikhat in intamsiakah an incho a, he an zu in lai hi social media Douyin Channel lamah pawh an pholang niin an sawi.
He thil thlen lai mita hmutu an thiantha Zhao tia an koh sawidanin, Sanqiange hian Baijiu Bottles 3 a tlakzo lai chu chiang takin a hmu hman a, a Bottle 4 na a in lai erawh a hmuthawi niin a sawi a, Sanqiange lamah a inher meuh chuan nikhawhreloin a lo awm tawh tih Shangyou News a hrilh.
Chinese Spirit Baijiu ah hian alcohol 30% atanga 60% bawr a tel niin an sawi a, in hnem chuan taksain a zo lo thei tih Shangyou News chuan a tarlang a ni.
