Your Daily News

Chinese Tennis Star Lar Chu An Ram Politician Larin Mipathmeichhiatna Lam Hawiin A Zarbuai Nia Thu Post A Siam Hnuah A Pilbo Zui!

0 1,021

Chinese tennis player lar tak Peng Shuai chu an ram politician lar Beijing former vice premier in mipathmeichhiatna lam hawiin a khawihbuai tih puhna a awm hnuah chin hriat lohin a pilbo tih an sawi. He puhna hi social media lamah a darh hnuin social media atangin tennis star hi thaibo a ni zui bawk.

Tennis player Peng Shuai bo thu hi hriat a nih veleh The Women’s Tennis Association (WTA) chuan thuchhuah a siam nghal a, mipathmeichhiatna lam hawia politician in a khawih nia puhna thuthang awm mek chu uluk tak leh dik taka chhui zui a nih theih nan thuneitute chu hma la thuai turin an phut a ni.

Former Wembledon French Open Doubles champion lo ni tawh Peng Shuai bo thuhla ah hian Men’s World number 1 Novak Djokovic pawhin a sahimna chu a ngaih pawimawh thu leh a chungah thil pawi a thlen mai a hlauhthawn thu a tarlang ve bawk.

Peng Shuai in Chinese social media lar tak mai Weibo ah Chinese politician thil tithei tak pakhatkar, Zhang Gaoli chuan kar liam ta khan hurherhna lam hawiin a zarbuai tih a sawi a, he a thu post hi rang taka paih a nih hnuah amah ngei pawh a awmna chin hriat lohin a bo zui ta a ni.

He puhna chungchangah hian Foreign ministry Spokesman Zhoa Lijian chuan awka a rawn nei ve nghal a, Peng khawihbuaia puhna thuleng vak vel chu engmah a hriat ve loh thuin a chhang a ni.

Twitter ang deuh Chinese social media Weibo ah Peng account chu paih a nih thu an sawi a, direct web link atang erawh chuan a luh theih niin an tarlang thung. Peng chanchin leh a chunga thilthleng chungchangah hian China nationa tennis association chuan AFP zawhna chu engmah chhan letna an la pe lo bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!