Your Daily News

Chinese American Hmeichhe Lar Lili Luo Kum 34 Mi Chu A Fanu Thla 5 Mi Pawm Chungin An Nufain Thia Chhar An Ni

0 2,098

Chinese-American hmeichhe hausa leh mi challang tak Lili Luo kum 34 mi leh a fanu thla 5 mi Aier-te chu Hong Kong khawpui a an chenna in kawtah thi a hmuh an ni.

Amah hrechiangtute sawidanin mihausa Lin Luo, China rama Real Estate Company Chairman fanu neihchhun Lili Lou hi rilru lamah buaina a nei niin an sawi a, an nufa hian vanduaithlak takin January 6 khan an chenna inah an ruang an chhar thu tualchhung media chuan a tarlang.

An ruang an chhar lai hian Lili Luo chu satuakin an hmu a, a fanu thla 5 mi chu a lo kuah bet tih an sawi. Amah hi pasal neilo a nia, a fa neihna pa chu a puangzar ngai lo a ni.

Mihausa fanu a nih angin Lili Luo hian khawvel milar thahnem tak a hmelhriat a, July 17, 2017 khan Secretary of State leh First Lady nihna dinhmun lo chelh tawh Hilary Clinton nen pawh thla an lo ladun tawh nghe nghe. A ni bakah hian British zaithiam Rita Ora nen pawh an inhmelhriat tha hle bawk.

A thihna chhan dik tak hi hriat a nilova, thuneitute rindan chuan an chenna inchhawng atangin an nufa hian an tlakthlak an ring ani. An ruang an chhar lai pawh hian a fanu thla 5 mi Aier chu a awmah a lo pawmbet tih an sawi.

Police-te sawidanin autopsy result atangin a thihchhan diktak an hriat theih an beisei tih an tarlang a, thil awmdan an chhui zui mek ani.

Ref: New York Post

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!