China Sawrkar A Sawisel Hnuah Millionaire Jack Ma Chu Mipui Hmuhah Thla 2 Chhung A Inlan Tawh Lo
China sawrkar dan leh dun a sawisel hnuah pa hausa tawntaw Chinese Billionaire Jack Ma chu thla 2 chuang mite hmuhah a inlan tawh lo.
Chinese Tech Billionaire Jack Ma hi TV lamah a inlan fo a, TV lamah Program hmangin a hmel a inlan thin a ni. Mahse, mak tak maiin October thla tawp lam khan China sawrkar hnuaia awm banks khuahkhirh an nih dan leh an dan leh dunte a sawisel vak tih hriat a ni. Hemi hnu November 2020 atangin January 2021 thleng a hmel hmuh tur a awm ta lo a ni.
Tianga a hmel hmuh a nih tak loh avang hian sawrkar in an dah that mi tam takin an ring a ni. Beijing hian sawrkar hnialkalh zawng chet tumte leh sawiseltu a ram mite chu dah bo dan a ngaihtuah zel niin a lang.
Jack Ma hi Alibaba avangin khawvel huapah pawh pa hausa ah a inhlangkai thei a, Bloomberg Billionaire Index in a tarlan danin tun dinhmunah a sum neih zat chu $63.1Billion a tling a ni.
