Chile chhim lamah ruahsur nasa avanga leimin thingtlang khaw pakhak Villa Santa Lucia a hnawl a, mi panga an thih bakah chin hriat lohin mi 15 an awm.
President Michelle Bachelet chuan chhiatna thlenna bialah hian emergency a puang nghal a ni.
Ruahsur nasain chhiatna a thlen vang hian mi sang tel chu tlawh pawh theih lohin an awm a, power supply pawh an nei lo a ni.
President Bachelet-i chuan chhanchhuah hna thawktute hnenah Villa Santa Lucia khaw mite ṭanpui hna chu theihtawp chhuaha thawk tura a hriattir tur thu a sawi.
Villan Santa Lucia khua hi Chile ram khawpui, Santiago aṭanga chhim lam km 1,100 vela hlaa awm a ni a, khualzinte tlawh ṭhin hmun lar tak, Corcovado National Park bula awm a ni. Inrinni khan nasa takin ruah a sur a ni. He khuaa cheng tam tak chu thlawhtheihna hmangin thiarchhuah an ni tawh bawk.
Vredit, vanglaini