Your Daily News

Chhunzan Zawm Tak Meuha Phone A Khawih Avangin A Pain A Haua, Tualthatna Rapthlak A Thleng Zui

0 355

Malaysia ram, Simpang Pertang, Jelebu khuaa cheng tlangval pakhat kum 35 mi chu hnathawh tum loin chhunzan zawmin phone a khawiha, eng hna mah thawh tum loin phone a atchilh a ni ber. A khawsak dan chu a pain a ning ta deuh a, November 18 chhunah a hau zui ta a ni.

A pa in a hauh veleh tlangval chuan a pa chu chhang let ve nghalin, an inhnial buai chho ta a ni. Theih tawpin an invin zuia a fapa thinrim lutuk chuan chairin a vawthlu zuia, chu chu duhtawk mai loin chem a chuh thuaia vawi tam tak a vit zui tih hriat a ni. Pa ber kum 59 mi chu a fapa chemte vihna hliam tuar loin a boral nghal tih an sawi.

Thenawmten an thawm an hriat veleh an tlan nghala, pa ber a thih thu chu police-te hnenah an hriattir ta nghal a ni. Tualthattu fapa sual chu a tlanchhe hmana mahse, police-ten an zawn hnu minute 20 velah awlsam tein an man tih an sawi.

An pafaa an intihbuai lai hian pitar kum 85 mi chu hmundangah a lo vakchhuak tih an sawi.

An chanchin hrechiangtuten hemite chhung hi an buai deuh reng tih an sawia, tun thil thlenga an inhnialbuai pawh hi a vawikhatna mai a nilo tih an sawia, tualthatna em erawh a thlen an ring pha bik lo a ni. (WOB)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!