Pa pakhat chu, China rama all-you-can-eat restaurant-ah chaw a heh em avangin luh an phallo tih an sawi.
Live a chaw a ei lai social media lama pechhuak thintu Mr. Kang chu Changsha City, Handadi Seafood BBQ Buffet restaurant-ah a chawlh laiin chaw a ei hnem thin em a, restaurant thuneituten chawlh an khap zui tih an sawi. Restaurant a thawkte sawidanin, Kang hian a vawikhat restaurant chawlhnaah pork trotters 1.5kg leh prawns 4kg chu a ei zo vek a, hei bakah hian soya milk 30 Bottles zet a in zo vek bawk a ni.
Chaw leh ei tur dawhkana an chhawp ang ang chu a ei fai han zel mai a, a hnuah chuan restaurant thuneitute chuan a ei tam luat avangin an restaurant a luh an khap zui ta a ni.
Restaurant neitupa chuan “Kan restaurant-ah Kang a rawn luh apiangin sum ka hloh nual thin a ni.” tih a sawi a ni.
Kang chuan Restaurant chhunga luh khapsak a nih chungchangah Chinese media lam zawhna chu chhangin, he restaurant hian chaw ei thei leh theilo te chu an enhrang a ni tiin, thleibik an nei a ni a ti bawk.
Mr. Kang restaurant a luh khap a nih chungchang chu Chinese social media lamah a darh nasa mai a, Social media platform pakhat Weibo ah phei chuan mi 250 million zetin entu an awm a ni.
