Zirlai hmeichhe tleirawl kum 19 chuan a u cancer natna vanga khumbeta mu mek enkawl nan sum an mamawh em vangin a thianghlimna a zuar thu china chhanchinbu chuan a tarlang.
Hmeichhe tleirawl hian billboard ah a u enkawl nana sum a mamawh vanga a thianghlimna hralh a duh thu chu kengkualin khawlaiah a vak a ni. A thianghlimna chu dollar 47,000 in a zuar thu leh a thianghlim zia finfiah nan hospital a test a ngam thu billboard ah hian a tarlang tel bawk.
Hetiang a hmeichhe tleirawl in a thianghlimna a hralh duh thu keng a khawlaia avah kual vang hian police te chuan an office ah an hruai a, thu an zawt fiah a ni. Nula hian a u thisen cancer vanga khumbeta mu mek enkawl nan sum a mamawh em vanga a thianghlimna hralh tum anih thu a hrilh avangin police te chuan an chhuahzalen leh nghal bawk.
Sum harsat vanga a u nunna chan thei dinhmun a ding mek enliam thei lotu nula in a thianghlimna a hralh duh thu tara khawpui lunlai a a vakkual vel hmutute rilru a khawih hle thu an sawi.