America, California state telsawl pakhata kawl chawdawr ‘Rangoon Ruby’ chuan a hnathawktu mi 300 vel chu hlawh a pek that duh loh avangin American dollar nuai sawmli zet chawi turin an inrem thei tih California state labor commission chuan a puang.
Hemi chawisum hi sorkar tan ni lovin hlawh dawng kim lote tan a ni. America ram danah reng reng chuan ramdangmi pawh ni se a thawhrah chu a seng tur a ni tih hi a ni a, hei hi hlawhtlinna ropui tak a ni tiin ukil Mitchell chuan voa hnenah a sawi.
Dollar nuai sawmli atang nuai sawm paruk hi chu workerte over time hlawh a ni. California state chhungah reng reng chuan dan anga luh pawh dan lo anga rawn lut pawh nise, an hnathawh man chu a kimin an hmu ngei ngei tur tih dan an nei.
A neitu tak hi Ko Tin Aye tih (John Lee, Mark Lee) a ni a, amah hian chef a thawk nghal a, hemi cheh bawr velah rengawt hian dawr paruk a nei an ti.
sourve ‘VOA’
