Technology billionaires 2 – Elon Musk-a leh Mark Zuckerberg-a te chuan a thuphungin cage chhungah inkhuainuai an remtidun tih hriat a ni.
Elon Musk chuan Mark a chona awka hi a social media Twitter lamah post siamin a ziak lang a, Mr. Zuckerberg nen inhmachhawn tura a inpeih thu a sawichhuak a ni.
Meta hnuaia Facebook leh Instagram Boss Mr. Zuckerberg chuan Elon Musk post hi a screenshot a, a chona chu chhang let ve nghalin, “Send me location” tia ziakin post a siam ve nghal a ni.
Musk chuan Mark Zuckerberg post chu chhang let lehin, a inbeihna hmun tur hi ‘Vegas Octogan’ nise tihin a duhthusam a thailang a, he Octagon hi Nevada, Las Vegas a awm niin Ultimate Figting Championship neihna hmunpui ber pakhat a ni.
Mr. Musk hi kum 52 mi a lo ni ve taa mahse, MMA lamah a tui ve viau ni tur a ni, amah aia la nau zawk Facebook Boss Mark Zuckerberg kum 39 mi chu a huphurh lo hle a nih hmel.
Hetih lai hian Zuckerberg erawh MMA ah training lo paltlang tawh sa a ni a, hmanni lawk khan Jiu-jitsu tournament ah pawh hnehna a lo chang tawh nghe nghe.
