Your Daily News

Buaina Nasa Takin US A Tuam Mek Laiin Iran Chuan Interpol Hnenah President Trump Man Turin Hriattirna A Tichhuak!

0 265

US inthlan buaina nasa tak karah President Donald Trump chunga lungawi thei lo Iran sawrkar chu tawngchhuak leh in, Interpol hnenah US President bakah US official mi 47-te chu mana an hnenah hlan thuai turin hriattirna a tichhuak leh.

He thilah hian Interpol lam chuan engmah chhanna awka an la chhuah rih lova, Iran chuan US inthlan zawh fel a nih veleh Trump chu man nghal turin a ti a ni. President Trump chunga Iran lungawiloh chhan ber pawh kum hmasa lam khan Donald Trump thupek angin firfiak chetna inhnamhnawih thin puh leh misual pawlte tanpui thintu an sipai hotupa general Soleimani chu tihhlum a lo ni tawh a ni.

He thil thleng avang hian Iran chuan US chetdan chu a hre renga, Trump bakah US Official-te chu na taka chhanlet a tum reng bawk. Hmanni lawk pawh khan Iranian President chuan Trump chu “Rei tak i dam lovang” tiin a lo vau leh tawh bawk. Thih satliaha thih mai chu a phulo tih sawiin, Sadam Hussein thihdan ai khan a thihdan pawh a nep lovang tiin a tawngchhuak leh tawh bawk.

Trump thupek angin general chu tihhlum a ni a, hei hi Iran chuan UNO dan dinglai bawhchhiatna a ni a ti ve bawk. An invaukhanna tawngkam chuan vawrtawp a thleng ti ila a sual awm love. A taka che turin an inpeih em tih chu hunin a la hril ang chu!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!