Your Daily News

Mobile App ah chhiar theih in a awm e

Britain PM-in a minister a ban

0 91

Britain Prime Minister Theresa May-i chuan a minister zinga senior ber, Damian Green chu a computer-a zahmawh lam film, pornography hmuh a nih chungchanga a thusawi avangin minister a nihna aṭangn a ban tir.

Green hi thla ruk liamta khan first secretary of state atan ruat a ni. Thla hmasa khan Sunday Times chuan Houses of Parliament-a Green-a office computer-ah kum 2008 kha police ten pornography an hmuh thu a tarlang a ni. Hei hi chhangin, Green chuan thu dik lo a nih thu a sawi thung.

Hemi chungchang hi May-i ngenna angin sorkar official chuan a chhuichiang a, report a thehluhah Green-an a computer-a thil mawi lo tak hmuh a nih chungchang a hre lo nia a insawi chu thil awihawm loh leh, midangte rilru hruai pen tumna niin a sawi a ni. Green chu minister-te awm dan tur inkaihhruaina bawhchhiaah puh a ni a, hei vang hian May-i chuan bang turin a ti a, Green hian  banna hi thehlut ta a ni.

Kum 61 mi, Green chuan office-a a computer aṭangin film ṭha lo en emaw, download emaw a neih loh thu a sawi a, hemi chungchang sawichhuah a nih tirh khan a lo sawifiah tawk lo deuh niin a sawi.

 

 

 

 

credit,vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com