Brazilian influencer kum 29 mi Wanessa Moura chuan khawvela sumdawnna maksakber pawl a ngaih theih kalpuiin, a thlantui atanga siam rimtui (perfume) a siam chhuak a, he a perfume a thlantui atang ngata siamchhuah hian a mak a makin mipate a hip tih a tarlang.
Wanessa Moura sumdawnna hian online lamah pawh sawi a hlawhin thawm a nei lian hle a, he perfume hi hmeichhia kawppui zawng mekte tan hmanraw thabera chhal ngam a ni a ti bawk.
Instagram lama followers 1millions chuang nei mek influencer Moura hian 2021 kumah a thlantui atanga rimtui siam hna hi a lo kalpui tawh a, ama sawidanin, he perfume hi mipathmeichhiatna lamah pawh mipa leh hmeichhiate suihzawmtu a nih thu a sawi a ni.
A sawidanin, he perfume hi thlantui hlang ni loin, perfume-ah a thlantui chu a drop den den a, a thlantui chu perfume tha siamchhuah nan bawlhlo (ingredient) pawimawh tak a ni a ti. A perfume siamchhuah hmingah ‘Fresh Goddess’ a vuah nghe nghe!
Sao Paulo lam chhuak Wanessa Moura chuan, “Keima atanga ngeia siam rimtui hi ka ngaina hle a, rimtui engmah pawlh dal theih loh natural tak chu ka ex leh tuna ka bialpa ngei pawhin an ngainat thu min hrilh a ni” tiin NudePR.Com a hrilh.
Hei bakah hian Wanessa chuan a taksa atanga chhuak thlantui atanga siam rimtui rim chuan mipate a hip na hle tih a sawi a, a bik takin a perfume siamchhuah chu nula leh tlangval inchhaina hmanraw thaber a ti hial a ni.
