Your Daily News

Brazil Ram Dil Hmingthang Furnas-ah Kham Lung Lian Zet Chimin Mi 7 A Delhhlum Bakah, Mi Thahnem Takin Hliam An Tuar

0 1,048

Brazil chhim thlanglam, Furnas dilah kham lung lian zet a chim a, he chhiatna thlen lai hian intihhlim tuma helai hmun tlawhtu lawng a chuang mi 7 te chu an thi nghal a, midang 9 te chuan hliam na tak an tuar tih hriat a ni.

He chhiatna rapthlak tak thlenna hmun hi Brazil, Minas Gerais State, Capitolio-ah niin, kham lung lian tak ina a delhhlum takte hi Dil a intihhlum tum an nih thu thuneitute chuan an sawi.

Chhiatna a thlen thu hriat a nih veleh chhanchhuah hna thawk turin tui luh thiam (dive squad) bakah, Brazilian Navy engemaw zatin Furnas dil hi an pan nghal tih an sawi.

Minas Gerais firefighters spokesman Pedro Aihara sawidanin, hriat theih chinah kham lung chim hian mi 7 a delh hlum a, mi 3 chu chin hriat lohin an bo zui bawk a ni.

Thuneitute sawidanin, he chhiatna thleng avang hian mi 32 zetin hliam an tuar a, mi 9 chu damdawi in luh ngai khawpin an hliam a na hle a ni. Hliam tuarte hi an ruh a tliak nual niin an sawi a, an zinga pakhat chu a hmairuh leh ke ruhte pawh a sawp chhe nasa tih an tarlang bawk.

Brazil rama Furnas Lake hi 1958 kumah siam a nia, hydroelectric power siamchhuahna atan he dil hi duan a ni. A chhehvel hi hmun nuam tak mai niin zinmiten an ngainat theih nan cheimawi a ni zui bawk. He dil a kham lung chim hi a lian hle mai a, nunna nei tan damkhawchhuah ngaihna a awm lo tluk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!