Your Daily News

Boxing Icon Mike Tyson’an A Thih Hun A Hnai Tawh Tak Zet Tih Sawiin Rei A Dam Dawn Lo Tih A Puang!

0 7,400

Boxing legend Iron Mike Tyson kum 56 a upa chuan khawvelah rei a awm a rin tawh loh thu leh, a thih ni chu a hnaih tawh thu Podcast kaltlangin a tarlang tih hriat a ni.

A vanglai huna infiamna khawvela mite ngaihsan leh mite hriat hlawh tak, Former heavyweight champion ni bawk chuan, “Engtikniah emaw chuan kan la thi ngei dawn a, darthlalang hmaah dinga keimah kain enin ka thih ni a hnai tawh tih ka hmu thei a ni” tiin thu lungchhiatthlak tak a sawi a ni.

Multi-millionaire a ni nachungin, Mike leh a nupui chuan sum theih tawpin an zawng tih a sawi a, a tawpa a hriatchhuah chu sum hi engmah lo mai a ni tiin a sawi. A tan rosum leh pai hausakna chu engmah a ni lo a ti ani.

Khawvelah miten sumah thlamuanna an zawnga, sumah himna a awm ringin an tal nasa a. Mahse, sumah kan himna a awm lo a ni, Himna diklo a ni tiin a hringnun kawngzawh mek chu a sawichhuak ani.

Kan himna tur dik tak chu enge ni ang? tiin zawhna a zawt let a, bank ah sum i dah lut a, kar tin chegue kengin bank ah i kal thin a, chu chuan i damchhung a humhim theih che i ring em? Sum ngah hnuah engkim nei thei turah in ngai suh, Bank pawh an tlachhe thin asin a ti bawk.

Hei bakah hian Iron Mike Tyson chuan, sum hian mihring nunna a venghim thei lo tih sawiin, sum chuan tawhsual tawh theihna lakah min hum thei lova, natna hrik tihbaiawm tak atangin min hum thei hek lo. Sum i neih avangin chhe thei lo turah i inngai em? Sumin a humhim thei dawn lo che a ni tiin thu bengverh tak a sawichhuak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!