Your Daily News

Boruak Lum Uchuak Karah A Fasen Thla 6 Mi Chu Kawrlum Haktirin Sarang Ip-ah A Khaia Police-ten Lo Tidingin…

0 3,756

Kyiv, Ukraine ah nu pakhatin a fa (nausen) thla 6 a upa chu plastic bag chhungah khungin kawtthler ah a vahchhuahpui tih hriat a ni. Khaw lum zawng hi 30 degree lai niin nausen chu thlasik thuamhnaw beltir a nia, a nu chuan sarang ip-a a khai chung hian naute awih hla a zaisak tih Mirror Online chuan a tarlang.

Hmeichhe kum 29 mi a hming tarlanloh, naute bag chhunga khaitu khawsakdan chu amah thlirtu mi pakhatin video lain a hnuah police-te a hriattira an um zui ta a ni.

Police officer in lo dang nghalin a bag chhunga naute tap chu a phawrh chhuaka Ambulance kohin damdawi in lamah rang takin an tlanpui ta nghal a ni. Doctorten a hriselna a that leh that loh uluk takin an enfiah dawn a ni.

Naute nu chuan police-te hnenah “Naute hi kalsan rawh u!, Engtin mah a awm lo, a dam a nia” tiin police-te chu a lo vin hrep tih an sawi. Police Officer Maksim Kravchuk’an Local media a hrilhdanin hmeichhe maksak tak hi lo tiding lo se a naute khai chu a thi mai dawn a ni a ti.

A hnuah naute nu chuan naute nawrkalna (pram) a neih loh avangin sarang ip ah a khai ta mai a ni tih police-te a hrilh. He nu masak tak hi a chanchin an chhui chian hnuah fa 6 nei tawh a nih thu leh Odessa khawpui atangin Kyiv-ah hna zawng turin a lut tih an tarlang. Nu in a fa enkawlna atana a tihtur pawimawhte a thlen chhuak lo a nih chuan hrem a ni dawn tih thuneitute chuan an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!