New York khawpawna awm Muslimho bomb nena beih tumtute chu an thiltum hlawhtlin hmain an man tih January 22 khan America thuneitute chuan an puang. Hemi thila inhnamhnawih mipa 3 leh naupang pakhat an man a, bomb 3 leh silai 10 chuang an man bawk.
Hemite hian New York atanga mile 150 a hla, Catskill Mountains a awm Islamberg khawte chu beih an rilruk a ni. Hemi khua hi kum 30 vel kal taah khan Muslim midumten an din a, kum 2 lek kal taah pawh khan mi pakhatin beih a lo tum avangin Tennessee biala awm pakhat pawh kum 20 lungin tang turin courtin a rel a ni.
source ‘DVB’
