Your Daily News

A BIALPA HLUIIN A SAWISAKNA VANGA A HLIAM CHU SOCIAL MEDIA AH A PHOLANG

0 1,246

Awm-nem zawk kutthlak chinga,kutthak hnawih nan taka hmang țhin mipa tehi misual ber zawk an ni.mahni ngaihzawng/nupui kutthlak hmang hi sawitur an tam khawp mai.chungzingah chuan tel veloh hram tum a țha.

Fa pawh hial pawh an nei tawh a, mahse an in laichinna chu eng a ni chuang lo. A bialpa chuan amah kalsanin midang a kawp lawr thin a, reilo te hnuah a rawn kir leh thin ka hnenah tiin a sawi.

Tun ang kan society ah pawh hmeichhia in mipa kutthlak an la tuar thin hi chu a mak a ni. Lungchhiatthlak ber chu sawichhuah a ni ngai lo hi a ni. Hmeichhia te chuan ngawih chuhin an in zawmna chu tihnun hram hram an tum thin, eng ang pawn tuarna se. A then chuan midang hrilh an duh thin mahse hlauhna avangin an ngawi leh nge nge zel.

Amaherawhchu, Facebook user, Nuel Raynes ve thung chuan a bialpa in a sawisakna thin, a taksa mai nilo a rilru thleng a a tihnatna chu mi zawng zawng hriat turin a pho lan a hun niin a hria a. A ngawih reng na chu ti tawp in a hun tawn hrehawm tak chu a sawichhuak ta a ni. A sawi dan in thil ho te te ah pawh kutthlak a tuar hrep zel a. Fa nei dun tawh mah se, Reyes natna chu a kiam phah chuang lo. An fa vangin engkim chu a dawh hram hram a, a tawpah chuan fate vanga kutthlak tuar reng chu dika hre lovin huaisen takin a puangchhuak ta ani.

I fate vanga kutthlak i tuar reng ai chuan engkim kalsan huamin i hrehawmna chu puangchhuak mai rawh,i taksa himna aia pawimawh a awmlo,pasal,ngaihzawng kutthlak hmang hichu atheih hram chuan neihlo tum vek angche u,kutthlak hmang bulah nun hlimba a awmlo,mahni kan inti hrehawm mai mai ani tiin a hmeichhe puite a chak bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!