America rama papakhat Dwanya Hickerson chuan a bialnu Dee Whigham-i nen an awmdun hnuah, a bialnu chu hmeichhe dik tak ani lo tih a hriat chhuah chuan a thinrim insum thei lo chuan a bialnu chu vawi 119 lai chemin a vit a ni. He tual thatna avang hian lawng sipai hlui Hickerson-a chu kum 40 chhung lungin tang tura thiam loh chan tir a ni.
Tual thahna a thlen hma thlakhat liam ta khan Dwanya Hickerson leh Dee Whigham te hi internet atang an inhria a biahthu an inhlan hnuah an cheng dun a ni. Dee Whingham-i hian an chendun hma zawng chuan a bialpa hnenah mipa hmeichhia a insiam serh thlak anih thu hi a thup a ni.
An chendun hnu chuan Dee-i hian a bialpa hnenah serh thlak anih thu chu a hrilh a. Hickerson-a thinrim lutuk chuan a bialnu chu chemin a vit hlum ta a ni. police te chuan Dee-i taksaah hian chema vihna hnuhma 119 lai a awm thu an sawi.
Hickerson-a hi dee-i a that atanga ni 3 hnuah man ani a, kum 40 chhung lungin tang turin court chuan a chhungthu a rel sak nghal a ni. Hickerson-a hian Dee-i chhungte hnenah ngaih dam a dil a, Dee-i a that ta mai chu a inthiam lo hle a pawi a tih hle thu a hrilh bawk.