Your Daily News

Biak In Kiangah Naute Pianghlim Chu Kalsanin Thuziak An Hnutchhiah

0 592

Fanaute hi Pathian lak atanga malsawmna kan dawn hlu berte an nia, mahni fate an han paih phal mai thin hi zawng a mak ngei mai. Malaysia ram Surau Nurul Huda Biak in (Mosque) hmaah tak naute pianghlim an kalsan tih hriat ani.

He naute hi parcel bawm chhungah khung niin Biak in luhka zawnah tak kalsan a nia, Headmaster Mohd Maidi Abdul Rahim’an zinglam dar 7:15AM ah a hmu tih an sawi. Box chu a zuk bih chianga naute chu alo tawm reng mai a ni.

Naute rohsan tak bulah chuan thuziak a lo awma, “Sum leh pai lamah kan harsat avangin Muhammad Arif hi kan enkawl thei lo a ni. Min ngaidam dawn nia. A enkawl theitu tur in awm chuan khawngaih takin min lo enkawl sak hram dawn nia” tiin an lo ziak dap tih an sawi.

Mohd Maidi sawidanin nausen a hmuh lai hian Box chhungah diapers, talc leh wet tissues te pawh a awm tih a sawi. Zinglam hma deuh takah a tawngkai hlanin an lo dah a nih a rin thu a sawi a ni. Police-ten he naute chanchin leh amah kalsantu a nu leh pate pawh an chhui zui dawn tih hriat a ni. (WOB)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!