Your Daily News

Bawlhhlawh Zinga Naute An Paih Chu Ui Note Rualten Lo Bawhlumin Him Taka Chhanchhuah A Ni

0 4,318

Chhattisgarh-ah naute duhawm tak mai chu bawlhhlawh paihna hmunah chhar a ni a, rinloh takin khawvawt tak karah he nausen hi a thi lo hlauh tih an sawi. He naute duhawm tak hi khawvawt tak hnuaiah ui note rualten an lo hualbet a, an pangtilum chu an lo tawm ve a ni.

Nausen hmeichhia, tuna Akanksha tia a hming an phuah tak hi Chhattisgarh bawlhlawh paihna hmun pakhatah a laihrui nen a lo let reng a, khawvawt tak hnuaia nungdama a awm thei chu amah hmutute chuan mak an tih thu an sawi.

Nausen hmeichhia chu ui note te chuan lo venghimin, a sir tawn tawnah an lo hual a, zanah an pangti lum lo tawmin a nunna an chhanchhuahsak ta a ni.

Tualchhung mi Munnalal Patel sawidanin, an chenna piah bawlhhlawh paihna hmunah zing takah naute tap thawm a hriat thu sawiin, Zing Dar 11 velah an zu enchian chuan nausen chu ui note zingah an hmu ta tih a sawi. Tiang nausen an hmuh hnu chuan damdawi lama thawkte an hriattir nghal a, damdawi in lamah dahluh a ni ta nghal a ni.

Nausen Akanksha chu Child Line Project lamah sawnphei a ni a, he thil thlenga inhnamhnawihte chu Police ten an chhui zui nghal tih an sawi. Chhattisgarh Senior IPS officer DG RK Vij pawhin he thilthleng hi pawi a tih thu leh, naute nungdama an lachhuak leh thei chu mak a tih thu a tarlang ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!