BANK-A SUM DAH LUH TUM KUTDAWH CHU BANK-A THAWKTU PAKHATIN KUT A THLAK
Bank ah hian kutdawh, miang lo pawh nise sum a neih chuan a dah thei vek a ni. Mahse kutdawh putar pakhat chu Bank ah sum a dah dawn vang ringawtin kuthlak a tur….
Kutdawh putar kum 67 hian a sumneih nawi te te pawisa thirte chu kengin Thailand Bank pakhatah account hawn a, dah luh a tum ve a, Bank a thawkte chuan pawisa1000 i neihtlin chauhin account i hawng thei ang tih an lo hrilh a ni, kutdawh hian 1000 ai tam a neih avangin bank ah chuan a sum neih chu dah luh ve ngei tumin Darkar hnih chuang a nghak a ni.
Darkar hnih chhung a thut hnuah chuan kutdawh hian inthiar a duh a, bank a hnathawkte hnenah chuan inthiarna hmun a zawt a, Bank a hnathawktu pakhat chuan Bank atang chhuak vat tura a hrilh mai bakah a pet zui a ni. Kutdawh Putar chu step ah a lum thla nghala hliamna tak a tuar a, a hliam atang thisen a chhuah tam em avangin, Bank tlawhtu mipuite chuan an bawihsawma Ambulance an koh sak a ni.
Putar rawn bawihsawmtute chuan kutdawh putar kutthlaktu Banka hnathawktu hi police hnenah an report nghala a phutawkin hrem ngei nise an duh thu police hnenah an hrilh.