January ni 20 Thawhlehni khan bangkok Suvarnabhumi Airport ah brazilian hmeichhe pakhat chu an man a ni. Hmeichhe hming hi a passport atang a lan dan chuan Josexelly Mendes Wanzeler kum 35 ani a, condom nena fun cocain mum 60 chu a pum chhungah a dawlh a ni.
Josexelly Mendes Wanzeler-i hi Ethiopian Airlines Flight ET628 khan chhun 12.30pm velah bangkok Suvarnabhumi Airport ah a rawn tum nia hriat a ni bawk. Josexelly Mendes Wanzeler-i awm dan leh a hmel chu a rinhlehawm riau avangin airport security te chuan X-ray hmangin an check a tahchuan a pum chhunga cocaine a dawlh chu an hmu ta a ni.
Josexelly Mendes Wanzeler-i chuan Thailand a rawn thlawh dawn a cocaine chu condom a fun-in a lem thu a inpuang bawk a ni. Josexelly Mendes Wanzeler-i chu thuneitute chuan kawhthuahna an ei tura a pum chhunga cocaine te chu an phawrh chhuak a ni, Tichuan hruihhlo tawlh ruk case in a chungthu an rel sak dawn thu an sawi bawk.