BAGHDAD-A BOMB PUAKAH MI 27 THI

By Johnny Kima On Jan 18, 2018

Iraqi firefighters help survivors at the site of a deadly suicide car bomb attack in the neighborhood of New Baghdad, Iraq, Thursday, June 9, 2016. Two separate suicide attacks in and outside the Iraqi capital have killed at least 27 people and wounded dozens. Officials say the deadliest bombing took place in New Baghdad, a commercial area of a majority Shiite neighborhood, killing over a dozen civilians. Another suicide bomber rammed his explosives-laden car into an Iraqi army checkpoint north of Baghdad, killing at least 12 people. (AP Photo/Hadi Mizban)

Iraq khawpui Baghdad-ah Thawhṭanni khan thihchilh bomb pahnih a puak a, mi 27 an thi a, mi dang 92 in hliam an tuar.

Thihchilh bomb-te hi zing lam mipui lunlaiin al-Tayaran square bulah tihpuah a ni a, bomb puah lai hi in sakna hmuna hna thawk turte punkhawm hun lai a nih thu Interior Ministry chuan a sawi.

Eng pawl mahin Baghdad-a pawikhawihna hi an thlen thu an la chhal lo a, mahse thuneitute chuan Iraq khawpui chhung hmun lunlaia Islamic State (IS)-ten pawikhawihna lian tham tak an thlen fo avangin Thawhṭannia bomb puak pawh hi IS tih niin an ngai.

Al-Tayaran square-a bomb tihpuah a nih hnu hian khawpui chhung hmun dangah pawh firfiakten bomb tihpuah zel an tum niin thu a thang zui a, mipui an chiai hman hle. Mahse Iraqi Joint Operations Command (JOC) media office chuan he thuthang hi thu dik lo a nih thu leh, khawpui chhunga security dinhmun tihbuai tuma mi ṭhenkhat thiltih a nih thu an sawi.

Prime Minister Haider al-Abadi chuan security force-te hnenah pawikhawihtu firfiakte chu zawngchhuak tur leh, an chungthu relsak turin a ti. PM hian security force leh intelligence service hotute chu meeting a neihpui nghal a, an ram mipuite himna tura theihtawp chhuah turin a ti a ni.

credit, vanglaini