Ningani liam ta zing Dar 10:30 vel khan Malaysia ram Lahad Datu thliarkarah awlê riltam feet 11 zet a sei chuan nausen mipa seh hlumin a dawlh zui tih Daily Star chuan a tarlang.
Naute bakah hian naute pa kum 54 mi Moherat pawhin awlê beihna avangin a lu ah leh a taksa hmun thenkhatah hliam a tuar tih Emergency Service lam chuan an sawi a, Lahad Dagu Hospital-ah a fa chhan tuma hliam tuar Moherat chu enkawlna pek a ni.
Fire and Rescue Chief Sumosoa Rashid sawidanin, Moherat hian tuipui kamah lawngleng a thlun a tum tih an sawi a, he lawngah hian naute chu a kalpui ve a, vawilehkhatah awle chu tui chhung atangin a rawn lang thut a, naute leh a pa Moherat chu a bei zui ta a ni. Awlê chuan naute chu tuiah a luhpui nghal a, Moherat chuan naute chu chhan tumin theih tawp chhuah ve bawk mahse a chhan chhuak zo ta lo a ni.
He Lahad Duta thliarkarah hian awle in mi a bei mawh hle niin an sawi a, he thil thleng hian mite ngaihven a hlawhin, pafa lainatawm tak te chanchin lungchhiatthlak tak hian social media lam pawh sawi a hlawh hle tih hriat a ni.
