Joie Henney kum 65 hi Tv channel pakhata Joie Henney’s Outdoors ti a ransa pel lai video ti chhuak thin tu pakhat a ni a, a awle vulh pahnih nen Pennsylvania ah an cheng dun a ni.
A awle vulh zinga pakhat a duh em em Wally ti a, a hming a phuah nen hian hmun tam takah kalin show an nei dun thina mipui lawm an hlawh hle. Wally leh Henney te hi kum 2015 khan an intawng a ni. Henney chu awle chhanchhuah leh enkawlna association hnuaiah hna a thawh angin, Awle te pa tih hial theih khawpin Awle te hi a hmangaih a ni.
Wally feet khat vel leka sei leh thla 14 lek anih lai hian Henney hian a enkawl a, a tir chuan Wally hian a seh palh ang tih Henney chuan a hlau ve hle a chaw a pek pawhin cheicheh sei tak hmangin a pe thin a ni.
Hun a liam a Wally leh Henney inkar pawh a tha ve chho zel a, Henney chuan Wally lu chu a chul thei tan a, a hnuah chuan a kuah thei hial ta a ni. An inkawlna a rei tawh bawka tunah chuan Wally hian midang pawh seh a tum ngai lo a, in a ran vulhchi uite duh awm ang mai a ni tiin Henney chuan a sawi. Disney film The Lion King enpui chuan a dan pangngai aiin Wally hi a nelawm zual thu Henney chuan a sawi.
A pawmtu apiang kutah ngam takin a awm thei a, Henney’a ke a, a vahchhuah changin hlim takin wally chu a pu kiangah a kal ve mai a, in a an awm chuan uite ang maiin a hnuangah a zui thin thu Henney chuan a sawi.
Naupang huaibak, misual te leh tar a tawh ho pawh Wally bula an awm chuan an hlim thin em vangin Kum 2018 december khan emotional support animal tia wally chu official taka pawm a ni ta a ni.
Ransa zingah hian ui leh sakawr hniam chi bak loh chu official taka emotional support animal a pawm an ni ngai lo a, mahse awle hlauhawm tak chu a enkawltuin a zir em avanga uite ang maia duhawm leh mipui lawm anih tak avangin Wally chu ransa hlauhawm zinga emotional support animal a pawmhmasak ber a lo ni ta a ni.