‘Terminator’ star Arnold Schwarzenegger chuan thih hnu piahlam ram leh khawvel kan chhuahsan huna kan awmdan tur chungchang sawilangin, vanram a awm ngei em tih thuhlaah a ngaihdan dik tak huaisen takin a sawichhuak!
Kan lei taksain he khawvel leilung a chhuahsan hunah ringtute chuan vanram kan beiseia mahse, Arnie ngaihdanah chuan kan thih hnuin engkim a tawpa, beisei tur dang kan nei lo a ti ve thung.
Kum 75 a upa Schwarzenegger chuan, vanram a awm leh a awm loh chungchangah a ngaihdan huai taka sawi chhuakin, mi tu emaw ten vanram kawthler fanga mithianghlim kal hmasa Petera te nen inhmu leh tur anga thlamuanna thu an sawi thin chu dawt muhlum a ni a ti bawk.
Twins co-star Danny DeVitto chuan Arnold interview a neihpuinaah, zawhna pein, thih hnu piahlam ram chungchang thu a zawta, Hollywood legend chuan “Thlankhur 6ft bak engmah dang chan kan nei lo, thil dang beisei tur awm anga hrilhtu che chu mi dawheh a ni” tiin zawhna a chhang zui a ni.
Hei bakah hian actor ropui Arnold chuan vanram chu suangtuahna (fantasy) mai a nih thu sawiin, kan thih hnuah tuna kan taksa puthmang leh kan awmdan ang hian inhmuh lehna hun a awm tawh dawn lo niin a sawi lang bawk.
Mi tam tak chuan thih hnu piahlam ram an ngaihtuahin an thla a muang a, Arnold erawh thihna hian a tithlamuang zo hauh lo a ni ber.
