Kum 16 mi a nu leh a unaunu a thah hnu a, bo zui ta vang vang chu Thawhleh zan khan Varanasi ah man a ni, a thil tihsual hi pawmin hauh leh vuak a tawrh vanga ti niin a insawi.
He kum tling lo tualthattu ni a rinhlelh ber hi nizan hmasa khan apa rawn call in apa chuan haw tur leh engkim sawi turin a thlem a, apa hian thudik sawi turin a hrilh. Kum 42 mi nu leh a fanu kum 11 mi chu Gaur City, Greater Noida ah an apartment ah thi a chhar a ni a. Police te sawi danin he tleirawl hian a nu leh a unaunu chu bat a vua in bakcheh leh pizza cutter hmangin a that zuita niin an sawi. A nu zawk lu ah hian vihna hnu hma pasarih a awm a, a fanu lu ah hian panga a awm bawk.
He tleirawl hi CCTV atangin Thawhtan zan dar 8 velah an in a lut lai hmuh a ni a. A hnu zan dar 11:30 ah a phone khawih chunga a chhuak lai hmuh leh a ni. Police te chuan an inah a kawr thisen kai an hmu a. An pa ber hi sumdawng niin he thil thlen lai hian Surat ah a awm a. An pi leh pu an bula cheng te pawh an zin lai a ni. A pa hian a in atang hian cheng nuaih hnih a bo thu a sawi bawk a ni.
Police te sawi dan chuan mipa hi a zirlai ah chak lo hle in a tichhe thei hle a. Hemi ni pawh hian a nu hian a zirlai vangin a hau a. Police te hian a video games khelh thin vanga he thil hi thleng niin an ngai a. “Gangster in High School” tih games chu a atchilh hle a, he games ah hian tualthah a tlanbo tih vel te a tel niin an sawi. A phone ah hian hetiang games kal hmang ang chi a tam hle tih an sawi bawk.
Games țhat lohna alang leh ta.