Your Daily News

An Zinna Kawng Laka An Tangkhang Laiin Misual 2 In Nu Pakhat Chu A Fate 2 Hmaah An Pawngsual

0 1,150

Pakistan ramah nu pakhat chu a fate 2 hmuh lai ngeiin pawngsual a ni tih an sawia, Police-ten he pawikhawihtute hi an zawng mek tih hriat a ni.

He thil thleng duhawm lo tak thlengah hian Pakistan Prime Minister Imran Khan chuan a rang thei ang berin pawikhawihtute chu man chhuak thuai tur leh rorelna hmaah hruai ngei turin Investigators hnenah thupek a chhuah zui bawk. He pawngsual thubuai ah hian mi 12 rinhlelh man an ni tawh tih PM chuan a tarlang bawk.

Pakistan, Gujjarpura hmunah Thawhlehni liam ta khan nu pakhat chu a motor khalh lai 4×4 chu a petrol a zo hlauh maia, leina a awm mai loh avangin a fate 2 nen kawngpuiah chuan an tangkhang zui ta a ni. Tianga an dinhmun a lo nih takah chuan misualte hian remchangah la in a sum £1,000 an laksak bakah misual 2-te hian an pawngsual zui bawk a ni.

Pawngsual tawktu sawi danin thuneitute hnenah puihna dilin police helpline number pawh a call tih a sawia, hun engemaw chen an nghah hnu pawhin tanpuitu hmel an hmu lo tih a sawi a ni. Geo News in a tarlandanin misual 2 te hian an car darthlalang an chhuchhiaa an nufa 3 hian ramhnuaiah an hnuklut tih a tarlang.

Misual 2 te hian a fate 2 hmuh laiin duh ang tawka an pawgsual hnuah ah a pawisa ip dapin rangkachak ṭhi £1060 man hu leh banbun, car lehkha pawimawh bakah bank card 3 an laksak bawk tih an sawi bawk.

He vanduaina tawktu hmeichhe lainatawm tak hi damdawi in lamah lak nghal a nia, a dinhmun doctor-ten an enfiah mek a ni. PM Imran Khan chuan Investigators-te hnenah pawikhawihtute chu a rang lama man ngei tur leh thih thlenga hremna pek an nih tur thu uar takin a sawi ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!