Your Daily News

An Video Dukdaklo Hmanga Lo Blackmail-tu, K-Pop Star Thi Ta, Goo Hara Bialpa Hlui Chu Tân Inah Khung A Ni

0 869

K-Pop star mahni intihhluma boral ta, Goo Hara bialpa hlui, Choi Jong-bum, hairdresser hna thawk thin chu Ningani khan Seoul Central district court chuan a bialnu hlui an video dukdaklo hmanga a lo blackmail avangin tang turin hremna a pe. He an video hmanga Goo Hara hi a verther zawnga lo tibuai thina puh a nia, mahni nunna hial lain a intihhlum phah a nih kha.

2018 khan Goo, girl group member hian local media a hrilh danin a bialpa hlui hian thahah a vau tih a sawia, an sualdun lai video chu thehdarha a sumdawnna khawvel tih tawpsakah a vau thin tih a sawi bawk.

CCTV footage atanga a landanin Goo Hara hian a bialpa hlui chu thingthiin kutsuih meuha ngenin an chesual lai video chu thehdarh lo hram turin a ngen a ni. He a video hian namenloin a nun a khawih buaia a hming pawh a tichhe hle a ni.

Hemi hnu reivak loah Goo chu a chenna inah November, 2019 khan thia hmuh a nia, a intihhlumna chhan ber pawh a video chungchangah tawngkam mawilo leh ngaihthlak hreawm tak tak a dawn hnuah tiang hian ama nunna a in la zui ta a ni tih an sawi. Choi in video thehdarh tura a vau lai pawh hian eng ang takin he milar hi a hma hun a tihchhiat ang tih chu a hre pha vek tih Court thuchhuah chuan a tarlang.

South Korea ah hian hmeichhiate heng ang hmingchhiatna neite hi hmusit an hlawhin a khawngaihthlak thei hlea nun beidawngin an intihhlum phah fo tih hriat a ni. Goo Hara thih hnu rei vaklo hnuah K-Pop star tho Sulli pawh a intihhlum ve leh a nih kha.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!