Your Daily News

An Thianpa Ruang Chu A Tawp Atan Kuang Atanga Lachhuakin Bike Chungah Dahin Inthlah Nan An Tlanpui!

0 3,169

Ecuador rama motorcyclists rualte chuan a thianpa boral ta ruang chu a kuang atanga la chhuakin, Bike chungah hlangin an tlanpui tih Daily Star chuan a tarlang.

Mithi ruang chu mi pakhatin Bike hnung lamah a chelh, Bike khalhtu hnung nghenchhenin an thuttir a, an bulhnaia lo awm ve midangte chu lawmin an au rual tih an sawi.

Vanduaithlak tak maiin, Erick Cedeno kum 21 a upa chu mithi ruang vuina hun a hman zawh hnu, a haw lam chu silaia kahhlum a nih thu an sawi.

Tianga kahhlum a nih hnu hian Erick Cedeno ruang chu a kuang atangin a thianten an lachhuak a, amah an uizia lantir nan leh a hun tawpna atan motorcyclists rualte chuan kawngpuiah a ruang chu an tlanpui tih an sawi a ni. A thiante chuan an thianpa ruang chu a nu leh pate phalna lain kawngah an tlanpui tih an sawi a, an uizia leh an tawrhna lantir nan tiang hian ruahmanna an kalpui a ni.

Police te chuan heng motorcyclists thian zaho thiltih chu thil mawi lo leh tihawm lo tak a nih thu an sawi a, sawiselna lam engmah an dawn loh bawk avangin hmalakna an neilo niin The Paper chuan a tarlang a ni. >

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!